Makala
DHARAU ZINAZOANGAMIZA FAMILIA NYINGI
| Makala
MAOMBI YA MKOMBOZI WA FAMILIA {DAY 10}
Mara nyingi sana yule aliyeandaliwa kuwa mkombozi wa familia huwa anakutana na hali kama ya kutotambuliwa ndani ya familia yake mwenyewe, na hii inatokana na namna ambavyo familia inatazama mambo kwa macho ya kibinadamu.
Kinachokwamisha familia nyingi na huenda hata familia yako imekwama pia kwenye eneo hili, ni kutozingatia mawazo ya Mungu ndani ya familia na wao wanaweka mawazo yao na wanataka Mungu atende kupitia mawazo yao.
Yeremia 29:11
Maana nayajua mawazo ninayowawazia ninyi, asema BWANA, ni mawazo ya amani wala si ya mabaya, kuwapa ninyi tumaini siku zenu za mwisho.
Mawazo ya Mungu ndio yanayotakiwa kuingia kwenye familia na kufanyiwa kazi, na sio mawazo ya kifamilia ndio yapelekwe kwa Mungu.
Familia nyingi sana zimejiinulia mkombozi wao kwa kutazama vitu vinavyotazamika kwa nje, kama vile mali alizonazo,vitu anavyomiliki,jina lake lilivyo kubwa,connections,na hata uwezo wake wa kuongea na kutetea hoja.
Musa hakuwa muongeaji ila Mungu akamuweka mbele ya wana wa Israeli, usisahau hilo.
Pata muda wa kupitia maandiko katika kitabu cha 1 Samweli 16:1-13, utakachokiona katika hayo maandiko ni pamoja na namna ambavyo familia inaweza kuwa na mitazamo yake inayotofautiana na mpango wa Mungu, Daudi asiyedhaniwa ndiye kumbe ndie. Samweli anaambiwa na Mungu kuwa “ondoka umtie mafuta,maana huyu ndiye”
Dharau,kuchukuliana poa,kutoheshimiana ndani ya familia kunafanya hali kuwa ngumu ndani ya familia yako kwa sababu sio rahisi kutambua kitu cha Mungu ndani ya mtu unayemdharau na kumchukulia poa.
Ukijiunga nami usiku saa SITA kupitia Youtube channel ya SIRI ZA BIBLIA tutafundishana kwa undani zaidi na tutaomba pia.
+255 758 708804
Pastor Innocent Mashauri
Maarifa ya ki-Mungu
SADAKA
