Makala
MAOMBI YA MKOMBOZI WA FAMILIA {DAY 08}
| Makala
MAOMBI YA MKOMBOZI WA FAMILIA {DAY 08}
Adui anapotaka kuiharibu familia,hapambani na kila mtu ndani ya familia - anahakikisha anapambana na yule mkombozi wa familia ambaye Mungu amemuinua kwa ajili ya kuisaidia familia yako.
Vita ya mkombozi wa familia huwa inatoka ndani ya familia na nje ya familia, ni vita ya kiroho ambayo huwa inalenga kudhoofisha nguvu zake ili akate tamaa na asiweze kusimama kwenye nafasi yake sawasawa na Mungu alivyompangia.
Ili adui aharibu hatma ya taifa la Mungu,alipambana sana kuhakikisha anamuua Musa akiwa bado mdogo,maana pamoja na kwamba ndugu zake hawakumuelewa sawasawa na hili andiko la kitabu cha Kutoka 2:14
“Yule akasema, Ni nani aliyekuweka wewe kuwa mkuu wetu, na mwamuzi juu yetu? Je! Wataka kuniua mimi kama ulivyomwua yule Mmisri? Musa akaogopa, akasema, Kumbe! Jambo lile limejulikana”
lakini Mungu alimtunza kama mbegu ya thamani maana kuna vitu alishawekeza ndani ya Musa tangu akiwa mtoto
Adui alishaona kiroho habari za mfalme mpya ajaye na ndio maana akahakikisha anaangamiza watoto wote wa kiume waliozaliwa kipindi kile Yesu anazaliwa pia.
Ninachojaribu kukuonyesha ni kwamba, vita anayokutana nayo mkombozi wa familia ni vita kubwa sana ambayo hakuna mwingine ndani ya familia anayeweza kuivumilia hata kidogo tu…..
Vita hii ni vita ya ndani yake, anapambana na maswali magumu yanayokosa majibu, anapambana na nafsi yake na roho yake pia, yaani kuna vitu anabishana navyo yeye mwenyewe - sio kitu chepesi sana ila mkombozi wa familia ananielewa lugha hii ninayoisema hapa.
Njoo Youtube usiku saa SITA kuna maombi maalum kwa ajili ya mkombozi wa familia, kupitia Youtube channel ya SIRI ZA BIBLIA
Pastor Innocent Mashauri
+255 758 708804
Maarifa ya ki-Mungu
SADAKA
