Makala
MAOMBI YA MKOMBOZI WA FAMILIA {DAY 09}
| Makala
MAOMBI YA MKOMBOZI WA FAMILIA {DAY 09}
Mungu anapotaka kuisaidia familia yako,atamtumia mtu mmoja tu ambaye atakuwa kama mbegu ya kupandwa ndani ya familia ili mema yazaliwe ndani ya familia yako.
Vivyohivyo pia adui anapotaka kuiangamiza na kuiharibu familia yako,lazima atatumia mtu mmoja ambaye atavuruga akili yake na kuwa mpinzani mkubwa sana wa kila kitu ndani ya familia, anaweza kuwa mzazi,mtoto au ndugu yeyote yule.
Kuhus mkombozi wa familia yako,kabla hata hajazaliwa - huwa tayari ameandaliwa na Mungu na kuwekewa kila kitu ndani yake ambacho kitamsaidia kusimama kwenye nafasi yake,ndio maana huwa na mashambulizi makali sana tangu wakiwa watoto wadogo,wanakutana na vita kubwa ambazo hata haziendani na umri wao.
Ila huyohuyo anayepitia maumivu makali na changamoto zinazozalishwa na vita anazokutana nazo,ndiye aliyechaguliwa na Mungu kusimama kama mkombozi wa familia yako.
Mkombozi wa familia mara nyingi kwa macho ya nyama unaweza usimjue kiurahisi na usimuelewe kuwa huyo ndiye anayesimama kwa ajili ya familia kutoka,lakini walio rohoni wanatambua jambo hili.
Muonekano wa mkombozi wa familia kwa nje anaweza kuwa kahaba anayejiuza mwili wake kama RAHABU,
Mkombozi wa familia yako anaweza kuwa kijana mdogo anayechunga mifugo ya baba ake kama DAUDI,
Mkombozi wa familia anaweza kuwa mdogo kuliko wote na muota ndoto zinazodharauliwa kama YUSUFU,
Mkombozi wa familia yako anaweza kuwa sio muongeaji sana kama wengine na hapendi sana kujionyesha kama MUSA,
Mkombozi wa familia anaweza kuwa mpinzani mkubwa sana wa imani yenu katika Kristo na hawapendi kwa sababu mmeokoka kama SAULI,
Kwa macho yako ya kawaida unaweza kujichagulia mkombozi wa familia kama alivyofanya mzee Yese ambaye ni baba mzazi wa Daudi,hakutegemea kama mwanae mdogo ndiye Mungu amemchagua kuwa mfalme mkuu anayefuata.
Zingatia maombi haya ya mfungo tunyoendelea nayo Madhabahuni kila siku usiku saa SITA kwa sababu yamebeba majibu ya kumuinua mkombozi ndani ya familia yako, na kama ni wewe basi kwa maombi haya unapokea nguvu mpya ambayo itaondoa ile hali ya kukata tamaa ndani yako.
Pastor Innocent Mashauri
+255 758 708804 namba ya msaada wa kiroho kwa maombi,ushauri na maombezi.
Maarifa ya ki-Mungu
SADAKA
